Naatsorsueqqissaartarfiup ullumi paasissutissat nutaat pujortartarnermut tunngasut kisitsisaateqarfimminut tamanut takusassianngorlugit saqqummersippai. Paasissutissani ilaatigut takuneqarsinnaapput Nunatta Karsiata akileraarusersuinermini tupanit qanoq annertutigisumik isertitaqartarnersoq taavalu inuttussuseq aallaavigalugu sikaritsit nunatsinnut eqqussuunneqartartut qanoq annertutigisarnersut, takuuk titartagaq 1.
Naatsorsoraanni pujortarneq ataaseq tupamik 1 gramimik naleqartoq, taava Kalaallit Nunaanni innuttaasut 15-ileereersimasut tamakkerlutik ullormut agguaqatigiissillugu 5,5-eriarlutik pujortarsinnaapput, sikaritsit tupallu 2016-imi eqqunneqarsimasut tamakkerlutik pujortarneqassappata.
Titartagaq 1. Inuit 15-ileereersimasut ullormut agguaqatigiissillugu pujortarnera
Saqqummersitaq ”Tupat pillugit naatsorsuutit 2016” Naatsorsueqqissaartarfiup nittartagaani www.stat.gl-imi pdf-fiilinngorlugu aaneqarsinnaavoq. Aammattaaq tabellit imaqarnerusut kisitsisaateqarfimmi pissarsiarineqarsinnaapput.
Paasisaqarnerorusukkaanni
Naatsorsueqqissaartarfiup pisortaa Anders Blaabjerg
e-mail abla@stat.gl
allaffigalugu imaluunniit 34 57 81-imut sianerfigalugu
paasiniaasoqarsinnaavoq.
Inussiarnersumik inuulluaqqusillunga
Anders Blaabjerg
Naatsorsueqqissaartarfimmi pisortaq